NAPALUNOK ako ng makita ang asawang nakatulog na sa sobrang pagod at puyat.
Nakatagilid ito habang pinapadede si Skye. Pansin ko na rin ang eye bags sa mga mata nito.
Maingat kong inihiga si Denrick sa tabi ni Dennis na nasa crib. Mabuti na lang talaga nakatulog na ang mga ito.
Marahan akong umupo sa gilid ng kama. Dahan-dahan kong kinuha si Skye sa tabi ng asawa ko. Inilagay ko ito sa gitna nila Denrick and Dennis.
Pinasadya kong malaking-malaki ang crib upang hindi sila magsiksikan.
Napatitig ako sa asawa. Inayos ko ang damit nito at nakalabas pa ang isang dede nito gawa ni Skye.
Bahagya itong kumilos. Niyakap ang isang unan. Hanggang sa pumayapa ang paghinga nito.
Hinaplos ko ang magandang mukha nito. Hinagkan sa noo.
"Sorry, wife. Kung masyado kang nahihirapan," bulong ko sa a
