SARAH
ISANG linggo ang nakalipas magmula nang may nagtangkang dumukot sa akin. Isang bangungot ang pangyayaring iyon. Mabuti na lang hindi ako ang target pero ganoon pa man natakot ako ng sobra para sa buhay namin ng mga anak ko.
Hindi ko na sinampahan ng kaso ang kapatid na maldita ni Lucas kahit kinukumbinsi ako ni Javier at ang mga magulang niya. Saka ligtas naman ako at walang galos o tama ng baril sa aking katawan. Kung magsasampa pa ako ng kaso mahabang proseso iyon. Siguradong may pandinig pa at kailangan ng presensya ko sa korte. Buntis pa naman ako at malapit ng manganak. Ayoko ng hassle lalo pa at may mga anak pa akong iisipin.
Magmula nang mangyari iyon nagpasya na muna si Javier na dito tumira sa hacienda at online na lang siya magtatrabaho. Mapagkakatiwalaan naman ang iti
