Habang kumakain kami ng lunch ay nagulat kami sa biglang pagpasok ni Anton….at ni Katie. Naka floral dress si Katie at halata na rin ang tiyan niya, si Anton naman naka floral polo na para bang pinag-usapan nila ang isusuot nila.
Agad namang napatingin sa akin si Anton pero umiwas ako. Tinuon ko na lang sa pagkain ko kaysa tignan siya.
“Okay ka lang?” tanong sa akin ni Jessa at ngumiti ako.
“Oo naman.” Sagot ko habang sumusubo ng fried chicken.
“Tama ‘yan, ikain mo na lang ‘yan.” Sabi naman ni Jessa.
Himala sa mga kaibigan ko, hindi nila ako iniinis pagdating kay Anton. Umupo naman agad sila sa gilid ng table ni Allen at napatingin sa akin si Allen kaya nginitian ko siya.
“Ay wow! Iba ang ngiti pagdating kay Sir Allen.” Mahinang sabi ni Jessa kaya pinalo ko siya ng mahina sa braso ni
