KANINA pa ako hindi mapakali habang nandito sa pasilyo ng opisina. Gusto kong batukan ang sarili sa katangahan ko! Kung bakit sa dinami-dami ng pwede kong maiwan sa sasakyan ni Gio, iyong dokumento pa ni Patricia! Iyon pa naman ang dahilan kung bakit ako biglaang pinabalik ni sir Val. Lalo akong kinabahan nang makita ko si Patricia na bihis na bihis at papalapit sa akin.
“Where’s the documents?” tanong agad niya sa akin.
“Ahh..s-sandali lang. Kukunin ko pa. N-Nasiraan kasi iyong sasakyan namin kagabi,” sagot ko na nagpakunot sa noo niya.
“So? Andito ka na? Asan ang dokumento?” halata ang inis na tanong niya.
“Isinabay kasi ako ni G-Gio at…n-naiwan ko sa sasakyan niya—“
“My gosh, Loraine! Inuna mo pa talaga makipagharutan? At nakalimutan mo na ang dahilan kung bakit ka bumalik dito?”
