Chapter 23: Black Jaguar!
Napalunok sa kaba si Zac. Kita na ng dalawang mata niya ang katawan ng dambuhalang mga matang nasa gilid niya, isa pala itong mabangis na jaguar, pero ang pinagkaiba nito ay purong itim ang balahibong bumabalot sa kabuuan ng katawan nito.
Katulad ito ng sinakyan nila ni Neil patungong Mortal Defying Sect. Ngunit isang tingin pa lang ay mapapansin agad ang pinagkaiba ng dalawa, ang isang ito ay dambuhala at naglalabas ng mas nakakasindak na aura, kahit ang presensiya lang nito ay sapat na para wasakin ang determinasyon ng mga adventurer na makakaharap nito.
Nakatutok din ang tingin ng dambuhalang itim na jaguar sa parang langgam na pigura ni Zac.
ROAR!
Umalingawngaw sa gubat ang atungal ng jaguar na lumikha ng malakas na hangin. Nakatapat sa binata ang bungan
