Chapter 38: Scheme!
Ang kaharian ng Dwarves ay nakatayo sa loob ng maliit na bundok. Mayroong lagusan papasok kung saan tanging mga Dwarves lang ang maaaring kumasya, may formation din naman silang aktibo na kayang palakihin ang lagusan kaya nadadala ng mga ito papasok sa bundok ang naglalakihan nilang gamit o mga kayamanan na natatagpuan.
Ang kabuuan ng populasyon nila ay naninirahan dito. Ito rin ang nagtatago at pumoprotekta sa kanila laban sa mababangis na mga halimaw. Pero kung tutuusin, imposibleng hindi pa natutuklasan ng mga Wild Beast at Savage Beast na pagala-gala sa paligid ang kanilang teritoryo sa tagal ng paninirahan nila rito, maaaring may kinatatakutan din ang mga halimaw sa Kaharian ng Dwarves kaya ni isang halimaw ay walang lumalapit sa teritoryo nila kahit na nasa laba
