Naglalakad lamang ako sa gitna ng kagubatan na parang nasa parke lang ako nang biglang may kung anong natapakan ako na nakabaon sa ilalim ng mga tuyong dahon. Naramdaman ko na lamang na mayroong pumulupot sa mga binti ko at saka ako hinila nito pataas, hanggang sa maglambitin ako patiwarik.
Napamura ako nang malutong nang dahil sa nangyari. May naapakan akong patibong! Nakapatiwarik ako kaya naramdaman ko kaagad ang pagbaba ng dugo ko sa ulo ko, nakakahilo! Ngunit mas minabuti kong hawakan ang hem ng damit ko dahil nalilihis iyon at lumilitaw ang balat ko.
Maya-maya pa ay mayroon akong narinig na mga yapak papalapit sa kinaroroonan ko. Nang tingnan ko sila, nakapalibot na sa akin ang buong tripo ng mga taga North. Normal lang din ang kasuotan nila, except may mga nakahanda kaagad sila na
