Buong paglalakbay namin patungo sa isang bayan sa South Atsa para sa aming misyon o imbestigasyon, ginugulo ako nina Dru, August, at Herkules tungkol sa aking ama at sa Saige Clan. Marami raw silang naririnig na kuro-kuro tungkol sa araw-araw naming pamumuhay, na mahirap daw maging parte ng pamilya namin.
"Shut up, you fools!" bulyaw ni Sabby sa tatlo nang mapansin niyang hindi ako komportable sa mga katanungan nilang hindi ko masagot nang diretso. Pinatabi niya ako sa gilid niya kung saan malayo sa tatlo. "I'm sorry about that. Masyadong sikat kasi ang Saige rito sa Atsa, lalo na at ang Uncle Gramon mo ay taga-rito."
Tumango lang ako sa kanya at nangiti. "I understand."
Habang naglalakad ay ino-orient naman na ako ni Sabby sa pupuntahan namin, kung ano ang sitwasyon doon, at kung ano a
