"Ma...gandang u-umaga."
Kalalabas ko lang sa aking silid at alas sais na ng umaga. Napatingin ako sa mga tita. Lahat sila ay kalahating mga mata lang ang bukas at pupungas-pungas sa pagkilos. Kasalanan ko ito kung bakit sila mga puyat ngayon. Hinintay nila ako hanggang sa makauwi, naging sabik na malaman kung ano ang nangyari pero lahat kami ay nabigo dahil sa hindi pagsipot ni Sancho.
"Pasensiya na po kayo!" yumuko ako sa kanila at hindi kaagad iniangat ang aking mukha.
Naramdaman ko na lang ang paghawak sa aking balikat. Umangat ang aking tingin at nakita ko si Tita Rechie na nagsesepilyo.
"Don't worry about us, Lili. Sanay na kami sa puyatan, makakabawi naman kami ng tulog mamaya sa trabaho," kumindat pa sa akin si Tita Joi.
Napabuntong hininga ako. Naglakad ako at lumapit sa la
