Ano ang ginagawa niya dito?! ibig sabihin ay talagang sinusundan niya ako at hindi lang nagkataon na nakita niya ako sa parco? Kalma, kumalma ka Lili!
Napalunok ako nang gumalaw ang kaniyang mga kamay na nasa aking baywang.
Nang haharap na ako ay mahigpit kong naramdaman ang kaniyang kamay na nakayakap sa akin. Napasandal ako sa likod niya nang ilapit niya ako sa kaniya. Bumilis ang kabog ng dibdib ko, naglumikot ang aking mga mata kahit wala naman akong nakikita dahil sa sobrang dilim.
"Ano ba ang ginagawa mo? Bakit ka nagmensahe at bakit ka nandito ngayon sa--"
"I am following you."
Nanlaki ang mga mata ko sa sinabi niya. Sinusundan nga ako! pero bakit?
"A-Ano? bakit mo ako sinusundan? kung tungkol ito doon sa paglilinis ng villa ay pasensiya na. Nangako ako kina tatay na mamama
