“SAAN mo gustong matulog, iha? Gusto mo ba ng may kasama sa kuwatro?” tanong ni Luna Kristina, ang asawa ng Alpha King.
Kararating lang nila sa Blanc Crescent mula sa Rouge. Sa haba ng biyahe ay nakatulog ulit si Penelope at ginising na lang siya ni Steve nang makarating sila sa palasyo.
Nadatnan nila roon ang Alpha King at ang Luna na naghihintay sa kanila. Kaya ngayon ay tinatanong si Penelope ng Luna kung saan niya gustong matulog. Marahil ay maraming kuwarto ang palasyon na puwede siyang pumili kung saan siya matutulog.
“Ano po ba ang ibig ninyong sabihin na may kasama sa kuwarto?” Gustong malaman ni Penelope kung sino ang makakasama niya sa kuwarto sakaling piliin niyang huwag mag-isa sa kuwarto. May alalay ba na ibibigay sa kanya?
“Nandito si Barbie, ang nobya ni Kurt. Gusto mo b
