NAGISING si Penelope na tuyong-tuyo ang lalamunan niya. Pakiramdam niya ay uhaw na uhaw siya at kailangan niyang uminom. Dahan-dahan siyang bumangon.
Nang igala niya ang paningin, napansin niyang hindi pamilyar sa kanya ang nabungaran niyang kuwarto. Maluwang ang buong kuwarto. Walang masyadong kasangkapan maliban sa kamang hinihigaan niya, mahabang sopa sa isang sulok, at side table kung saan nakapatong ang lamp shade. May malaking bintana na natatakpan ng makapal na kurtina. Hindi niya tuloy malaman kung anong oras na dahil walang liwanag na tumatagos sa bintana. Kung hindi lang sa lamp shade, siguradong napakadilim ng buong kuwarto.
Malamang hindi ito ang kuwarto nila ni Elaine sa boarding house. Hindi rin ito ang kuwarto niya sa bahay nila. Hindi rin naman ito ang kuwarto na tinulug
