MAHIGIT isang linggo na mula nang kagatin ni Ulysses sa leeg si Penelope. Ngunit hindi pa rin nagigising ang dalaga. Matiyagang nagbabantay si Ulysses sa nobya niya. Hindi niya ito iniiwan sa buong maghapon at magdamag. Nag-aala kasi siya na kapag iniwan niya ito at saka nagising, baka biglang hanapin siya. Gusto niyang siya rin ang unang makakita sa pagbabagong magaganap kay Penelope.
“Sana paggising mo, hindi ka magalit sa akin. Hindi ko ginustong mangyari ito sa iyo. Hindi ko gustong maging katulad kita. Pero walang ibang paraan upang mawala ang lason sa katawan mo maliban sa ginawa ko. Sana maintindihan mo ako at matanggap mo ang mangyayari sa iyo,” mahinahong sabi ni Ulysses sa natutulog na nobya. Masuyo niyang itong hinalikan sa noo.
Pinakatitigang mabuti ni Ulysses si Penelope. Ma
