“HI! GOOD evening!” nakangiting bati ng babaeng nakasalubong ni Penelope paglabas niya ng trabaho ng gabing iyon.
Nginitian lang ito ni Penelope at nagpatuloy sa paglalakad.
“Miss, ikaw ba iyong girlfriend ni Ulysses?” Narinig niyang sambit ng babae.
Awtomatikong nilingon niya ito at huminto sa paglalakad.
“Bakit?” nakakunot ang noo na tanong niya.
Lumapit sa kanya ang babae.
“May ibinilin kasi siya para sa iyo,” sabi nito.
“Ano iyon?”
Inilapit ng babae ang mukha nito sa kanya. Bago pa makapag-react si Penelope ay bigla na lang siya nitong sinakmal sa leeg.
Napahiyaw si Penelope sa gulat at sa sakit na naramdaman.
Nanlalabo na ang paningin niya nang bitiwan siya ng babae. Napahawak siya sa kanyang leeg at pilit na kinikilala ang babae. Ngunit bigla na lang itong naglaho sa harap
