“ANONG oras ba darating ang mga taong lobo na iyon?” tanong ni Michael. Palakad-lakad ito sa mahabang mesa kung saan ipinahiga si Ulysses.
“Eksaktong alas-dose ang oras na ibinigay ni Krypton. Eleven fifty-five pa lang. May five minutes pa tayong ipaghihintay,” tugon ni Achilles habang nakatingin sa relo nito.
“Masyado ka namang mainipin, Michael. Darating din ang mga iyon. Maghintay lang tayo. Hindi pa naman sila late,” sabad naman ni James Arthur.
Habang nag-uusap ang mga kalalakihan ay nakaupo si Penelope sa tabi ni Ulysses. Isang linggo na ang lumipas mula nang nakabalik siya sa Leger. Kinabukasan din ay inihatid siya pauwi ni Achilles. Sa mismong boarding house na siya tumuloy. Nalaman niya kina Elaine at Rina na hindi pala siya nakauwi ng nagdaang gabi. Kaya nag-aalala ang mga it
