NANG makarating sila sa b****a ng Les Bois ay pinahinto sila ni Kurt sa paglalakad.
“Enrico may nararamdaman ka ba?” tanong ni Kurt nang sulyapan nito ang isa sa mga lalaking kasama nila.
Hindi agad sumagot ang kausap nito. Nagpalinga-linga muna ito sa paligid.
“Wala. It’s safe,” sagot ng nagngangalang Enrico.
“ Kung ganoon, pag-usapan muna natin ang ating gagawin. Mauuna kami ni Steve. Krypton, ikaw na ang bahala kay Penelope. Sasamahan ka ni Stephen. Enrico, Sherwin sa likod lang kayo nina Krypton,” utos ni Kurt.
“Okay,” sabay-sabay na sagot ng mga lalaking kasama nila.
Sa narinig ay tinapik ni Kurt si Steve. Pagkatapos ay agad tumakbo ang dalawa sa likod ng isang puno. Wala pang dalawang minuto ay may lumabas na dalawang puting lobo. Malalaki ang mga ito at patungo sa kinatatayuan
