NAPATINGIN si Penelope sa unahan ng sasakyan kung saan nakatutok ang tingin ni Achilles. Napansin niya ang malawak na damuhan at sa banda roon pa ay natanaw niya ang maliliit na bundok.
“Iyan na ba ang ….”
“Collines Glacées,” dugtong ni Achilles sa sasabihin niya. “Ang lugar na isinumpa kaya hindi maaaring tumapak ang mga may dugong bampira. Tanging katulad mo lamang na tao ang maaaring dumaan sa lugar na iyan ng hindi napapahamak,” dagdag pa nito.
“Huh? Totoo ba iyan?” hindi makapaniwalang tanong niya.
Tumango si Achilles.
“Iyan ang pinakaligtas na lugar para sa mga taong tulad mo,” nakangiting sabi pa ni Achilles.
“Kung gano’n ay lalabas na ako.” Akmang hahawakan na niya ang pintuan ng sasakyan nang pigilan siya ni Achilles.
“Sandali lang. May ibibigay muna ako sa iyo,” sabi ni
