Tumaas ang kilay ni Warrick nang makalabas na si Chrystler at sumilay ang nanunuksong ngiti sa labi. “So do you miss me?”
Nanatiling seryoso ang anyo niya. “Don’t start with me, Warrick. Importante ang pag-uusapan natin. Paano kung hindi ako mabuntis agad? Anong gagawin natin? Gaano katagal ang ganitong set up?” sunud-sunod na tanong ni Krystinia. Nasa unang hakbang pa lang sila pero alam niyang hindi ganoon kadaling magbuntis para sa ibang babae.
Natigilan ito at mataman siyang tinitigan. “Okay. For a year, we will try the natural way. Kung wala pa ring mangyayari, we will try in-vitro fertilization. Mas makakatiyak na tayo na magbubuntis ka na noon. Do you agree?”
Marahan siyang tumango. "Saan ako mag-i-stay lalo na kapag nagbuntis na ako?”
"Palalabasin natin na nasa Hawaii ka at nag
