Napamaang siya at luminga sa paligid. Paano nito nalaman na magkasama sila ni Vernel at alam nitong niyakap siya nito. “Sandali. Pinapasundan mo ba ako?”
Hindi nito sinagot ang tanong niya. Sa halip ay sinabi nitong, “Iyan ba ang ginagawa mo kapag nakatalikod ako? Are you having tryst with another guy?”
Mariin siyang pumikit. “Warrick, nagpapaalam lang ako sa kanya. Dahil lang nakayakap ako sa kanya may ginagawa na kaming masama?" Sa palagay ba nito ay anong klaseng babae siya? He was her first lover. At ibinigay niya ang sarili dito nang walang kontrata. Ano pa bang gusto nito sa kanya?
“Pauwiin mo na ‘yan at puntahan mo ako sa kotse ko sa parking lot ng café.”
Naggiyagis ang ngipin niya at bumilang ang sampu bago narinig ang boses ni Vernel sa likuran niya. “Krystinia, matagal ka pa
