ARRIANE'S POV
NANG muli akong magising ay si Audrey naman ang namulatan ko. Nang makita nitong gising na ako ay mabilis itong sa akin.
"Ate, kumusta na ang pakiramdam mo? Nagugutom ka ba? Gusto mong kumain?" puno ng pag-aalala na tanong nito. Magang-maga rin ang mga mata nito. Malat na rin ang boses nito.
Hindi naman ako sumagot. Kumusta ba ako? Okay pa ba ako?
"Si Mama?" tanong ko sa halip na sagutin ang tanong nito.
Lumambong naman ang mukha nito.
"Inasikaso na nila Kuya Alfred at Kuya Albert ang mga kailangan para mailipat na siya sa funeral home. Baka mamaya o bukas daw ng umaga ita-transfer. Hinihintay lang nila Kuya ang tawag ng taga-funeral home," paliwanag ni Audrey.
"Si baby mo, nilagay na rin sa isang maayos na lalagyan. Ibinigay ng doktor sa akin kanina. Pinalagay
