"Gusto kong magkaroon na tayo ng label para malaman ng lahat na sa akin ka," paos niyang utas.
Napapikit ako dahil doon. Tila ba musika lahat ng sinabi niya sa aking pandinig. Ang sarap pakinggan ng bawat ibinigkas ng kanyang bibig.
Gusto ko sanang sabihin sa kanya na bakit pa namin patatagalin kung pwede ko naman siyang sagutin ora mismo.
Pero babae rin ako. Gusto ko ring maranasan ang maligawan ng lalaking tinitibok ng aking puso.
Mula sa pagpantasya ay agad akong bumalik sa realidad nang may tumawag sa pangalan niya.
Agad akong umayos ng tayo at tinulak ng bahagya si Lynusdrei.
Pero hindi siya nagpatinag kaya naman lalo akong napraning dahil papalapit nang papalapit sa amin si Din.
"Lynusdrei," bulong ko sa kanyang pangalan. Warning na humiwalay siya sa akin dahil kung hindi ay
