Makailang ulit pang humugot ng isang malalim na hininga si Cleo habang nasa tapat ng nakasaradong pinto ng opisina ni Calyx nang umagang iyon. Walang dahilan para makaharap niya ito ngunit may isang bagay siyang kailangang ibalik sa lalaki. Buo na ang pasya niya na mawalan na ng tuluyan ng kaugnayan sa lalaki. Lahat ng mga bagay na posibleng mag-ugnay sa kanilang dalawa ay kailangan na niyang pakawalan.
Hinding-hindi niya makakalimutan ang naging pagsagot ni Calyx sa interview nila hinggil sa hindi pagkakatuloy ng kasal nila. Pakiramdam niya ay masyadong dumurog sa ego niya ang harapang paglalantad nito sa mga reporter at sa lahat ng bisita ng desisyon nitong huwag siyang pakasalan. Isang pagtangging walang pakundangan at pagsasaalang-alang sa mararamdaman niya.
Kung talagang hindi na
