Hindi talaga mapakali si Calyx. Kailangan niyang kausapin si Cleo. Isang palaisipan na naman kasi para sa kaniya kung bakit napunta sa dalaga ang t-shirt na binili ng nobya niyang si Maxene para sa kaniya pati na rin ang pajama niya. Kailan, bakit, saan at paano niya iyon ibnigay? Samot-saring tanong.Ngayon niya kailangang maalaala ang lahat. Bakit kung kailan kailangan niya ang mga sagot sa tanong na iyon ay tila pinagdadamutan naman siya. At kung kailan naman nananahimik siya ay saka naman siya dadalawin ng walang kaabog-abog ng ilang mga senaryo sa isip niya. Unti-unti na talagang nagugulo ni Cleo ang utak niyang dating relax lamang nitong mga nakaraang araw.
Upang maliwanagan ay ipinasya niyang kausapin si Cleo. Batid niyang ang dalaga lamang ang makakasagot sa mga tanong niya hinggil
