Dahan-dahan pa ang naging pagpihit ni Cleo sa doorknob ng condo unit niya. Hindi kasi siya handa sa posibleng mga tanong ng kanyang mama sanhi ng hindi niya pagtulog roon. Ngunit sa kanyang pagkamangha ay napakalawak ng ngiti nito sa kanya nang mabungaran niya sa sala. Agad itong tumayo mula sa pagkaka-upo at lumapit sa kanya. Niyakap siya nito at hinagkan siya sa noo.
"Na-miss ko ang baby ko," paglalambing pa nito. "Kumusta ang lakad n'yo ni Sussy? Nag-enjoy ba kayo? Nag-alala ako kagabi nang hindi ka pa umuuwi pero tinawagan naman ako ng kaibigan mo at sinabing magba-bar nga daw kayo kaya nakampante ako."
Alanganing ngumiti si Cleo sa ina.
"Halika, kumain ka na. Tumawag si Calyx sa akin at humihingi ng paumanhin, hindi ka na raw niya kasi naihatid dito at hindi ka na rin daw niya nasa
