Halos mahilo na si Sussy sa pagmamasid sa halos isang oras ng paglalakad ni Cleo ng pabalik-balik sa loob ng bookstore na tila ba may malalim na iniisip.
Kanina pa ito tahimik sa kotse habang papasok sila. Minabuti niyang lapitan na ito.
"Ano bang problema? Mukhang hindi ka mapakali kanina pa. Ginawa mo ng run way ang pagitan ng mga shelves ng libro, eh. Luminga ka sa paligid mo, nakukuha mo na ang atensiyon ng mga kostumer natin," wika ni Sussy sa tila balisang kaibigan.
Humarap si Cleo sa kaibigan at humalukipkip pagdaka'y bumuntong hininga.
"Si Bry tinawagan ako kahapon," pagtatapat niya kay Sussy.
"Wow, after fourteen years naalala ka? Huwag mong sabihing nakikipagbalikan iyan sa iyo," Hindi nagustuhan ni Sussy ang sinabing iyon ni Cleo. Batid nito kasi kung paano nasaktan ang ka
