Habang nasa taxi ay nagkataong napadaan siya sa isang boutique kung saan naka-display ang ibat-ibang wedding gown. Sa kuryusidad ay agad niyang pinahinto ang taxi at bumaba roon. Wala siyang balak, pero natagpuan na lang niya ang sarili na humahakbang papasok doon. Hindi siya mahilig mag-shopping or mahilig pumunta sa mga fashion boutique, pero para siyang batang namamangha at naaakit sa iba't-ibang mga wedding gown na nasa manekin.
"Ma'am, kailangan n'yo po ba ng mag-a-assist?" nakangiting tanong ng babae na naroon na halatang doon nagtatrabaho.
Napukaw ang kanyang pansin sa pagmamasid sa mga gown nang marinig ang tinig na iyon ng babae.
Ngumiti siya rito. Hindi siya umiling o hindi rin tumango.
"Ma'am, marami hong wedding gown ang fi-fit sa katawan n'yo at lahat ho ng naritong gown a
