Saka lang nakahinga ng maluwag si Cleo nang nasa labas na siya ng opisina ni Calyx at maisara na niya ang pinto. May kakaiba sa lalaking iyon na palaging nagpapawala ng kanyang pokus at katinuan ng pagiisip. Nagagawa nitong manipulahin ang kanyang katawan kahit pa nga tinututulan iyon ng kanyang isip.
"Cleo, apo."
Ang tinig na iyon ni Don Zandro ang pumukaw sa pansin ni Cleo.
Malawak ang ngiti ng matanda nang makita siya roon bagaman at hindi nito inaasahan ang pangyayaring iyon.
"Hindi ka nagpasabi na dadalaw ka dito, mabuti na lang at naisip kong pumasyal rito kung hindi ay hindi sana tayo magkikita," wika ng matanda na noon ay nakalapit na sa kanya.
"Nagkataon lang ho kasi na—"
"Binisita mo si Calyx?"
"Ho? Hindi ho! Hindi ko naman po talaga balak na bisitahin siya, may importante
