Halos pandilatan naman ng tingin ni Cleo si Calyx habang nasa loob sila ng toilet cubicle. Baka sakali kasing gumawa ng ingay ang lalaki at marinig ng ilang empleyada sa kompaniyang iyon na kasalukuyang naroon din sa loob ng ladies room at kapapasok lamang kanina. Ayaw na ayaw niyang mangyayari ang bagay na kinatatakutan niyang iyon. Hindi siya sanay sa eskandalo lalo pa at wala naman silang legal na dahilan para makita ng iba na magkasama.
Nang bumaba naman ang tingin ni Calyx sa leeg ng dalaga ay lihim siyang napangiti na makita roon ang kissmark na nilikha niya kanina habang ginagawaran niya ito ng mga halik.
Ang pagngiting iyon ng lalaki ay hindi naman nakaligtas sa paningin ni Cleo. Inirapan na lamang niya ito bilang pagtugon at upang ipakita rito na hindi niya nagugustuhan ang rea
