“Bakit hindi mo man lamang subukang magpahinga. Magleave ka muna sa work mo.” Suhestiyon ni Maxene nang minsang magtungo ito at sandaling mag-stay sa loob ng opisina niya. Nakikita kasi nito ang kawalan ng pokus at tila bahagyang pagkabalisa ni Calyx habang nagtatrabaho.
“Hindi ako maaaring basta-basta na lamang mag-leave at mawala rito sa opisina,” tugon naman nito na hindi man lamang nagawang pukulin ng tingin ang dalaga. Deritso lamang ito sa pagpasada ng basa sa mga contract na kailangan niyang i-review at pirmahan.
Tumayo mula sa pagkaka-upo si Maxene sa sofa na nasa harap ng mesa niya at humakbang palapit sa lalaki. Yumuko pa ito at itinukod ang dalawang siko sa ibabaw ng mesa nito habang ang dalawang mga palad ay nakahawak sa tigkabilang pisngi.
“Sige na, mag out of town tayo,” u
