"MASARAP ba 'yan?" tanong ni Light sa akin.
"Bakit ako ang tinatanong mo? Hindi ko alam, hindi pa ako nakakakain niyan," sagot ko naman sa kanya.
Nandito kami sa isang puwesto kung saan may dalawang Brownies na nagtitinda ng pagkain.
"Akala ko ba marami ka ng karanasan?" tanong ko kay Light pero hindi niya ako sinagot dahil nakatuon lang ang atensiyon niya sa niluluto ng mga Brownies.
Hindi ko alam kung ano ang tawag ng pagkaing niluluto nila. Kulay puti ito at inilagay sa isang baso yata tapos may kulay berdeng likido ang inihalo tapos may itim pa na kumikinang? Ewan. Parang street foods ang puwesto ng Brownies na nagtitinda dito.
"May kilala ka ba na Kel ang pangalan?" tanong ko sa naglulutong Brownie na nagpakilalang Gin ang pangalan. 'Yong isa ay Lei ang pangalan.
"Kamag-anak nam
