"Walang Carson na basta-basta na lang susuko kay kamatayan, magkakamatayan man," mayabang na pahayag ng isang lalaking mas bata kaysa mga magulang nina Kiro at Kenzo.
Kahit mature na ito ay bakas na bakas pa rin ang taglay nitong kakisigan na nagsusumigaw sa pagiging Carson nito.
Ang maingay nitong pagbibida ang una naming nabungaran pagkapasok namin sa itinurong pribadong silid ni Kenzo rito mismo sa hospital na pagmamay-ari ng isa sa mga kamag-anak nila.
"Kanino lang pala tayo susuko?" nakahalukipkip na tanong ng isa pang kaedad lang ng nadatnan naming nag-iingay.
"Ako Rusca kay Julia lang ako lumuluhod at sumusuko, ewan ko lang sa'yo dahil matandang binata ka na," nakataas ang kilay nitong sagot.
"Tito Felan," tawag dito ng kasama kong si Kiro kaya nakuha namin ang atensiyon nito a
