Kahit alam ng lahat na girlfriend ako ni Kiro ay gumagawa pa rin ako ng mga gawaing bahay lalo na at walang pasok.
Noong una ay nag-alangan pa ang mga kasamahan ko na payagan akong magtrabaho pero nagpumilit ako at pinaliwanag ko sa kanilang kahit girlfriend ako ni Kiro ay kasambahay pa rin ako.
Katulad nila ay sumasahod din ako at mas lamang pa nga dahil pinapaaral din ako.
Ayaw ko namang iisipin ng lahat na kesyo girlfriend ako ay aasa na lang ako sa bigay ni Kiro, para na rin akong nagkaroon ng sugar daddy sa lagay na iyon.
Iyong ibinigay na trabaho sa'kin ay iyong mga magagaan lang katulad kay Julienne. Mabuti na lang at sobrang babait ng mga kasamahan ko, wala akong masabi. Botong-boto sila sa'kin para kay Kiro.
"Kikay, sasama ako kay Ate Merna sa palengke, kaya mo bang mag-i
