Naaaliw akong nagpalipat-lipat ng tingin kay Julienne na biglang naging mahinhin at mahiyain bigla at kay Noel na hindi yata napansin ang kakaibang ginawi ng kaibigan ko.
"May oras pa ba kayo? Yayain ko sana kayong magmeryenda," wika ni Noel.
"Malapit na iyong or—"
"May oras pa kami," mabilis na putol ni Julienne sa pagtanggi ko sana.
Nanahimik na lang ako nang maramdaman ko ang makahulugan niyang paghila sa damit ko sa likod.
Nang sulyapan ko siya ay nasa mukha ni Noel ang buong atensiyon niya. Mukhang timaan yata siya kay Noel.
"Twenty minutes! Tama, may twenty minutes pa kami," dugtong pa ulit ni Julienne.
Pasimple kong sinulyapan ang suot na relo ay sampung minuto na lang bago ang simula ng orientation.
"Masyadong maikli ang twenty minutes," nakangiting tugon ni Noel. "Paano ku
