Dahil sa mga kaganapan no'ng birthday ko ay di ko namalayan ang paglipas ng mga araw at bigla ay araw na ng orientation namin ni Julienne sa university na sabay naming papasukan, tapos na ang enrollment.
Excited ako na kinakabahan, namamawis iyong kamay ko habang nagpapaalam kay Kiro.
Hinatid niya kami ni Julienne at ngayon ay kuntodo tanggi ako sa balak niyang pagsama hanggang sa loob.
Nauna nang bumaba ng sasakyan sa'kin si Julienne dahil may namataan itong kakilala habang ako naman ay naiwan saglit upang kumbinsihin itong makulit kong more than boyfriend na hindi ako bata para samahan niya hanggang sa loob.
"Kaya ko na talagang mag-isa. Naroon din naman si Julienne," giit ko. Kanina ko pa paulit-ulit na si asabi ito pero kailangan ko yatang i-translate sa english para maintindihan n
