Kagaya ng inaasahan ni Ava, kaagad siyang pinutakti ng mga tanong ni Aria.
“Oh my gosh, bakla! Hindi mo man lang sinabi na boyfriend mo pala si Attorney! Napakadaya mo!” ani Aria at siniko-siko pa siya. Medyo nairita siya sa ginawa nito dahil unang-una, tambak ang trabaho nila sa opisina, at pangalawa, wala naman siyang responsibilidad na magkuwento tungkol sa personal niyang buhay.
“Hindi naman ako palakuwento,” tipid niyang sagot at muling ibinalik ang tingin sa kaharap na computer.
Lumabi si Aria at muling sumilip sa cubicle niya. “Infairness, ang gwapo talaga ng magkapatid. Si Miss Eury na lang ang hindi ko pa nakikita nang personal. Grabe naman kasi silang magkakapatid. Parang mga anak ng Diyos at Diyosa mula sa Olympus!”
Mabuti na lang pala at hindi talaga siya nagkukuwento kay A
