Naagaw ang atensyon nina Killian at Ava nang pinapunta sa harapan ang mga single para sa pagsalo ng boquet mula kay Eury. Umarko ang kilay ni Ava nang mapansing kasali sa mga pumila si Chiara.
Nasa unahan ng pila si Cyra na sinadyang makipag-unahan doon habang tatawa-tawa namang nakatanaw si Liam.
Itinuon niya ang atensyon sa harapan nang magsalita na ang host at nagbigay na ng hudyat para ihagis ni Eury ang bulaklak.
"Girls, are you ready? Throw it, Miss Eury, in three, two... one!"
Naghiyawan ang mga audience na naroon nang mag-agawan ang mga kababaihan sa bulaklak. Ngunit dahil sa nangyaring tulakan, nawala sa kamay ng mga ito ang boquet.
Nakaawang ang labing bumagsak ang tingin ni Ava sa kaniyang kandungan. Hindi naman siya kasali sa sasalo ngunit tila sinadya ng tadhanang map
