ANDROMEDA
"Done." at uminom ako ng tubig. Paglapag ko ng baso, tanging ang mga titig lang ni Neon ang sumalubong sakin. Magkaharap kami sa lamesa at katatapos ko lang kumain. Kanina pa siya natapos at dito siya kumain sa room ko dahil binabantayan niya kung may mangyayari ba sakin.
Mabilis na dumating ang taong ipinakilala ni papa na siyang tutulong sakin dito sa The Elysium kapag may mangyari sa pagbubuntis ko. Hindi ko nga alam kung paano nakilala ni Neon yung babae samantalang wala naman akong naaalalang binanggit ko 'yon dati sa kanya. Siguro sinabihan na siya ng Prime bago kami umalis, hindi ko lang alam. Ayun, bumuti ang kalagayan ko. Normal lang daw na may light bleeding na maganap. Huwag lang masyadong maraming dugo ang mawawala kundi iyon talaga ang delikado.
