Audrey
HALOS maglupasay ako sa kalsada nang nakita kung iniwan na ako ni KJ.
“KJ, huwag mo akong iiwan!” halos mamaos na ako sa kasisigaw habang pinapanood ko ang pag-alis ng kanyang sasakyan, hanggang sa tuluyan na itong mawala sa paningin ko.
“KJ! KJ!”
“Audrey, gising!”
Napabangon akong bigla dahil sa pagyugyog nang malakas sa akin ni Ate Cindy. Napahawak ako sa aking dibdib nang mapagtanto kong panaginip lang ang lahat.
“Ate Cindy…”
“Nananaginip ka ba?” Napatango-tango ako at pinunas ko ang mga luha ko para kasing totoo ang lahat.
“Ate Cindy, si KJ iniwan niya ako. Kitang-kita kong umalis siya…” garalgal ang tinig na sabi ko.
“Eh, talaga namang umalis si KJ, ah. ‘Tsaka panaginip lang ‘yon, sobrang na-miss mo lang ‘yong tao kaya kung anu-ano napapanaginipan mo. Tawagan mo kay
