KJ
NANG maikabit ko ang seatbealt ay kinintalan ako nang halik sa pisngi ni Audrey na ikinagulat ko, kaya hinapit ko siya sa beywang at masuyong hinalikan sa mga labi.
“Happy birthday!” sabi niya.
Namilog ang mga mata ko, “Teka, pa’no mo nalaman?”
“Ba’t naman hindi ko malalaman? Boyfriend kita kaya dapat alam ko ang birthday mo. Isa ‘yon sa pinakamahalagang date para sa’kin.” Napangiti ako nang malapad. Kanina kasi ay nagpakain ako sa opisina pero ‘ni isa man sa kanila ay walang nakakaalala ng birthday ko, kahit sina Tito Rafael na siyang pinakamalapit kong pamilya.
“Thank you, baby, kayo lang talaga ni Ashley ang nakaalala ng birthday ko. Kaso absent naman siya kaya hindi tuloy siya nakakain kanina,” sabi ko.
“Hindi ka naalala ng Tito Rafael mo? Samantalang si Liam dati may pa-part
