Audrey
THREE WEEKS LATER…
BIGLA akong napabangon sa kinahihigaan ko nang makatanggap ako ng text message. Mula iyon sa isang nurse na naging kaibigan ko na rin sa loob ng halos tatlong linggo na pagdalaw ko kay KJ sa hospital, nagising na nga raw si KJ. Mabuti na lang at araw ng linggo ngayon kaya walang pasok sa opisina. Pagkatapos kong magbihis ay agad na lumabas ako ng kuwarto.
“Aalis ka?” tanong ni Ate Cindy.
“Oo, Ate, nagising na raw si KJ!” masiglang balita ko.
“Talaga? Naku, salamat naman. Kung wala lang kaming importanteng lakad ni boyfie sasama sana ako sa’yo,” sabi pa niya.
“Ayos lang, Ate, balitaan na lang kita. Sige, Ate, aalis na ako,” paalam ko habang sinusuot ang aking doll shoes.
“Okay, sige, ingat ka. Sabihin mo kay KJ, pagaling siya kamo.”
“Yes, Ate, makakarating.
