Audrey
HINDI ko alam kung ano ang estado ng aming relasyon ni KJ. Iniwan ko kasi siya sa condo unit niya noong huling gabi na nag-kausap kami. Kahit ano’ng gawin ko parang lutang pa rin ako. As usual hindi na ako nakakasama sa bonding ng mga officemates ko. Napaangat ako nang tingin nang lapitan ako ni Ashley.
“Kain tayo,” yaya niya sa akin.
“Sige, saan ba?”
“Diyan lang sa cafeteria.” Tumayo na ako at kinuha ang aking wallet.
“Tinatawagan kita pero cannot be reach ka. Nasira ba cellphone mo?” tanong niya habang naglalakad kami papuntang cafeteria. Kapag ganitong tanghali ay maraming tao sa cafeteria minsan nga ay wala nang maupuan kaya nagmamadali kami ni Ashley.
“Ah, wala na ang cellphone ko,” pagsisinungaling ko.
“Nawala?” Tumango lang ako.
“Ay, sayang naman. Ang ganda pa naman n
