Audrey
HABANG nasa loob kami ng sasakyan ay pilit kong pinaliliwanag kay KJ ang lahat subalit parang wala siyang naririnig. Isa lang ang paulit-ulit niyang sinasabi. Huwag ko raw muna siyang kakausapin. Hindi ko alam kung saan kami papunta pero ilang minuto pa ay humimpil kami sa harap ng isang mataas na gusali.
“Nasaan tayo?” tanong ko. Lumabas siya ng kotse at kasabay ay lumabas na rin ako.
Hindi niya sinagot ang tanong bagkus ay naglakad lang siya at sumunod naman ako. Tahimik kaming naglalakad sa hallway hanggang sa narating namin ang elevator. Pinindot niya ang button at bumukas ang lift kaya pumasok na kami sa loob. Umakyat ito hanggang makarating kami sa thirty sixth floor. Kapwa kami hindi nagsasalita. Gayunman, buo ang tiwala ko sa kanya dahil kahit galit siya alam kong mahal n
