KJ
SA totoo lang ay hindi ako nakatulog nang maayos kagabi dahil katabi ko si Audrey ayokong sayangin ang pagkakataon na magkasama kami. Pinagmamasdan ko siya habang natutulog kagabi. Kung hindi lang ako nagpipigil ay baka may nangyari sa amin pero ayokong gawin ang bagay na iyon na labag sa kanyang kalooban. Isa pa, ginagalang ko si Audrey at kung gagawin man namin ang mga bagay na iyon siguro ay pagkatapos na lang ng kasal. Sa lahat ng mga naging girlfriend ko mukhang sa kanya lang talaga ako tinamaan nang ganito, kung kabaliwan mang matatawag iyon.
Pero hindi ko alam kung bakit parang may nililihim siya sa akin, nararamdaman ko iyon hindi ko lang matukoy kung ano. Ayoko rin siyang pinagpipiyestahan nang tingin ng mga kalalakihan. Sa ganda niya ay talagang halos lahat ng mga kalalakiha
