Darana's POV
Mainit-init pa ang hangin kahit mag-a-alas kwatro na ng hapon. Nasa mini park ako ngayon. Nakaupo sa isang bench habang nilalaro-laro ang straw ng iced coffee ko. Dito ako madalas tumambay kapag may break time. Mas tahimik kasi kaysa sa cafeteria at mas nakaka-relax ang presensya ng mga puno. May ilang estudyanteng naglalakad-lakad. May iba namang nagbabasa ng libro o naka-earphones habang nagso-solo time.
Habang abala ako sa pagtingin sa notes ko para sa Journalism 303. Bigla na lang may umupo sa tabi ko. Isang babaeng hindi ko kilala pero ang lakas ng dating niya. Long straight hair na kulay chestnut, naka-body fit na blouse at pleated skirt na parang pang-MU candidate, at sobrang flawless ang kutis. Kahit walang introduction ay ramdam ko agad na may gusto siyang pag-usapa
