Dean’s PoV
“BAKIT hindi na lang tayo tumawag ng mga pulis? Masamang tao sila hindi ba? Bakit hindi ninyo isumbong sa mga alagad ng batas?” galit na tanong ko sa kaibigan ni Luna na si Helium.
“Mahabang kuwento kung sasabihin ko sa iyo ang lahat. Nandito na rin naman mamaya si Venom at siya na ang bahala sa lahat. Wala ka na din namang gagawin dito kaya p’wede ka na ring umalis. Umuwi ka na sa inyo at tignan mo ang kalagayan ng pamilya mo,” utos sa akin ni Helium bago niya ako talikuran.
Sinundan ko siya at hinila ang braso nito. “May itinatago ba kayo sa batas kaya ninyo gustong itago ang la---”
Marahas na hinila ni Helium ang braso nito at tinutukan ako ng baril na hawak nito.
“Kung may concern ka kay Shyra o Luna hindi mo siya ipapahamak nang tuluyan sa gagawin mong pagsusumbong sa
