Pagpasok pa lang ni Grezia ng kanyang unit ay malakas na siyang humahagulhol ng kanyang iyak. Hindi niya na kaya ang pagpipigil na kanyang ginagawa mula pa kanina. Tila sasabog na ang kanyang dibdib nang dahil sa nangyari at kanyang nasaksihan kaganapan, kailangan na niya iyong ilabas. Hindi pa rin lubos maisip ng dalaga na magagawa ito sa kanya ng nobyong minahal niya ng ilang taon, hindi niya akalaing lolokohin siya nito at itatapon ang kanilang pinagsamahan nang ganun-ganun na lang. Ang bilis ng mga pangyayari, sa loob lamang ng isang iglap ay nawala ang kasintahan sa kanya, isang bagay na hindi niya inaasahang mangyayari pa. Naagaw ito ng ibang babae nang walang kahirap-hirap, nakuha ito sa kanya nang ganun lamang. At hindi niya kayang tanggapin ang bagay na iyon, siya pa naman iyong t
