Nagulat pa ako nang mga oras na ‘yon. Bigla kasing nag-chat sa akin si Allycia. Ang tagal ko na kasing nagcha-chat sa kanya para magpapansin pero ni isang reply ay wala man lang akong natanggap mula rito. Para na nga akong tanga, e. Pero panay pa rin ang chat ko sa kanya kahit alam kong hindi niya ako papansinin. At ngayon nga parang naghimala ang langit. Sa wakas naawa din yata sa akin.
Actually ako si Cookie Music. Isang dummy account ang gamit ko. Yong main account ko kasi binlock niya. Ang nakakalungkot lang kailangan ko pang itago ‘yong identity ko para lang magawa kong makalapit sa kanya kahit sa chat lang. Sigurado iba-block na naman kasi ako nun kapag nalaman niyang ako si Drew. Kaya mabuti nang ganito. Ang mahalaga sa akin ngayon nagkakaroon ako ng update sa kanya. Kahit papaano
