NAALIMPUNGATAN ako kinabukasan ng makarinig ng mga ingay sa labas ng gate. Kahit inaantok pa ay napilitan na lang akong bumangon para silipin kung sino ang mga ‘yon. Hinawi ko ang kurtina saka sumilip doon. Nagulat pa ako nang makakita ng kumpulan ng mga tao sa labas. Napakunot tuloy bigla ang noo ko. Anong ginagawa ng mga ito dito? Tila may inaabangan ang mga ito.
Mayamaya’y napansin ko ang mga reporters sa gilid. Bigla akong naalarma. Ang mga taong ito talaga. Wala nang ibang magawa kundi manggulo nang kapwa nila. Gagawin nila lahat may maibalita lang. Gosh! Can they just leave me for a second? Naibalita na nga nila ako minsan tapos heto na naman sila. Aali-aligid dito sa bahay ko. Para ano? Maghanap ng ibabalita kahit mga fake news? C’mon! I’m sick of it! Mula kasi nang makilala ang pa
