"Ethan…" wika ng amang Ezekeil nang hindi pa rin siya tumatayo mula sa receiving area ng police station. Nakausap na nila ang hepe na kakilala ng ama at nangakong sisimulan na ang paghahanap kay Marga kahit wala pang bente kwatro oras. Alas sais na ng umaga at magdamag siyang hindi nakatulog kahit anong pilit ng mga magulang. Naroon din ang mga magulang ni Marga na hindi niya kayang salubungin ng tingin. Walang bakas kung saan tumuloy ang kasintahan mula nang sumakay ito sa isang taxi kahapon. Hindi na makontak ang telepono nito. Matibay ang paniniwala niyang may kinalaman si Almira at Benjie sa pagkawala nito, dahil kung galit lang ito sa kanya'y hindi naman nito titiisin ang mga magulang at hahayaang mag-alala.
Kagabi ay pinuntahan niya ang apartment na tinutuluyan ni Almira pe
