Nagising si Marga sa narinig na nag-uusap na mga kalalakihan sa dulong bahagi ng bahay na hindi pa yari. Masakit ang ulo niya at mahapdi na rin ang sikmura niya. Nakatali ang mga kamay niya sa likod at may panyo sa bibig niya para hindi siya makagawa ng anumang ingay. Nilulukob ang sistema niya ng takot pero kailangan niyang maging matapang. Hindi niya alam kung ano ang pakay sa kanya ng mga ito.
Muli niyang binalikan ang nangyari kahapon pagsakay niya ng taxi para umiwas kay Ethan. Pagdating nila sa bandang Paranaque ay iba ang tinahak na daan ng driver na hindi niya nabigyang pansin. Nang makitang coastal road na ang tinatahak niya'y saka niya ito sinita. Nakita niya ang pagngisi nito at pagbukas ng bintana sa driver's side. Kung ano ang inispray nito sa gawi niya ay hindi niya
